Мадриднинг «Реал» клуби президенти Флорентино Перес «Бавария» вингери Майкл Олисенинг шов-шувли трансферини амалга оширишни орзу қилмоқда.
Журналист Хосеп Педрероль қизиқарли воқеа ҳақида гапириб берди: «қаймоқранглилар» мухлиси «Бавария» раҳбари Герберт Хайнернинг кўз ўнггида Пересдан Олисени сотиб олишни сўраган. Флорентино ўзини йўқотиб қўймай, мюнхенликлар президентига ўгирилган ва шу заҳоти: «Буни эшитдингизми? Даҳшатли босим, шундай эмасми? Эртами-кечми уни менга сотишингизга тўғри келади», — деган.
«Бавария»да Майкл Олисе ҳеч қандай пулга сотилмаслигини бир неча бор таъкидлашган. Миш-мишларга кўра, «Реал» Франция терма жамоасининг 24 ёшли юлдузи учун 200 миллион евродан кўпроқ маблағ таклиф қилишга тайёр.
