Transfer bozori eksperti Fabrisio Romanoning aytishicha, «Tottenxem» bosh murabbiyi Antonio Konte mavsum yakunlangach, klub rahbariyati bilan besh yoki oltita yirik transferni muhokama qiladi.
Avvalroq Konte «PSJ»ga o‘tish borasida muzokaralar olib borayotgani haqida xabarlar tarqalgan edi. Keyinroq italiyalik mutaxassis bu mish-mishlarni feyk deb atadi va butun bor e’tiborini London klubida ishlashga qaratganini aytdi.
Endi ma’lum bo‘lishicha, Konte kelasi mavsum boshlanishidan oldin tarkibni sezilarli darajada kuchaytirib, «Tottenxem»da katta o‘zgarishlarni amalga oshirmoqchi, deydi Romano.
Ayni damda «shporlar» Premyer-ligada beshinchi o‘rinni egallab turibdi va Chempionlar Ligasi zonasiga chiqish uchun «Arsenal»dan ikki ochko ortda qolmoqda.
