Трансфер бозори эксперти Фабрицио Романонинг айтишича, «Тоттенхэм» бош мураббийи Антонио Конте мавсум якунлангач, клуб раҳбарияти билан беш ёки олтита йирик трансферни муҳокама қилади.
Аввалроқ Конте «ПСЖ»га ўтиш борасида музокаралар олиб бораётгани ҳақида хабарлар тарқалган эди. Кейинроқ италиялик мутахассис бу миш-мишларни фейк деб атади ва бутун бор эътиборини Лондон клубида ишлашга қаратганини айтди.
Энди маълум бўлишича, Конте келаси мавсум бошланишидан олдин таркибни сезиларли даражада кучайтириб, «Тоттенхэм»да катта ўзгаришларни амалга оширмоқчи, дейди Романо.
Айни дамда «шпорлар» Премьер-лигада бешинчи ўринни эгаллаб турибди ва Чемпионлар Лигаси зонасига чиқиш учун «Арсенал»дан икки очко ортда қолмоқда.
