"Salernitana" Italiya chempionatining yuqori divizionida jon saqlash zonasini tark etdi.
Kecha o‘z uyida “Venesiya” ustidan qozonilgan g‘alaba (2:1) «Salernitana»ga marraga uch tur qolganda A Seriya turnir jadvalida xavfli zonadan 17-pog‘onaga ko‘tarilish imkonini berdi.
“Dengizchilar” o‘tgan yilning 28 avgustidan buyon birinchi marta bu zonadan chiqib ketdi – oradan 250 kun o‘tdi.
Klub so‘nggi beshta o‘yinning to‘rttasida g‘alaba qozondi.
Ayni vaqtda quyi ligaga tushib ketish zonasida "Kalyari" (28 ochko), "Jenoa" (25 ochko) va "Venesiya" (22 ochko) klublari joylashgan. «Salernitana»da 29 ochko bor.