"Салернитана" Италия чемпионатининг юқори дивизионида жон сақлаш зонасини тарк этди.

Кеча ўз уйида “Венеция” устидан қозонилган ғалаба (2:1) «Салернитана»га маррага уч тур қолганда А Серия турнир жадвалида хавфли зонадан 17-поғонага кўтарилиш имконини берди.

“Денгизчилар” ўтган йилнинг 28 августидан буён биринчи марта бу зонадан чиқиб кетди – орадан 250 кун ўтди.

Клуб сўнгги бешта ўйиннинг тўрттасида ғалаба қозонди.

Айни вақтда қуйи лигага тушиб кетиш зонасида "Кальяри" (28 очко), "Женоа" (25 очко) ва "Венеция" (22 очко) клублари жойлашган. «Салернитана»да 29 очко бор.