"Barselona" yarim himoyachisi Frenki de Yong bir qator grand klublar e’tiborida bo‘lib turibdi, deya xabar berdi Catalunya Radio.
Manbaga ko‘ra, niderlandiyalik 24 yoshli yarim himoyachi uchun kurashga "Manchester Siti" ham qo‘shildi. Shaxsan Xosep Gvardiola de Yongni o‘z jamoasida ko‘rmoqchi.
Avvalroq Frenki uchun kurashda "Manchester Yunayted" va "PSJ" yetakchilik qilayotgani haqida xabarlar chiqqan edi.
Joriy mavsum de Yong barcha turnirlarda 44 ta o‘yinda maydonga tushib, 4 ta gol urdi va 5 golli uzatma amalga oshirdi. Uning "blaugranas" bilan amaldagi shartnomasi 2026 yilning iyun oyi oxirigacha tuzilgan.