"Барселона" ярим ҳимоячиси Френки де Йонг бир қатор гранд клублар эътиборида бўлиб турибди, дея хабар берди Catalunya Radio.
Манбага кўра, нидерландиялик 24 ёшли ярим ҳимоячи учун курашга "Манчестер Сити" ҳам қўшилди. Шахсан Хосеп Гвардиола де Йонгни ўз жамоасида кўрмоқчи.
Аввалроқ Френки учун курашда "Манчестер Юнайтед" ва "ПСЖ" етакчилик қилаётгани ҳақида хабарлар чиққан эди.
Жорий мавсум де Йонг барча турнирларда 44 та ўйинда майдонга тушиб, 4 та гол урди ва 5 голли узатма амалга оширди. Унинг "блаугранас" билан амалдаги шартномаси 2026 йилнинг июнь ойи охиригача тузилган.