Niderlandiyalik sobiq futbolchi Uesli Sneyder Chempionlar ligasi yarim finalida “Real”dan nokautga uchragan “Manchester Siti”ni tanqid qildi.
“Ular gol urishganda, men "Real" finalga yo‘l olishiga shubha bilan qarashni boshladim. Ammo “Real” futbolchilari taslim bo‘lish niyatida emasliklarini ko‘rsatishdi va so‘nggi daqiqalargacha bu munosabatni saqlab qolishdi. Bu ajoyib sifat.
"Manchester Siti"ning finalga chiqish istagini ko‘rmadim. Kevin De Bryuyne almashtirilgani ham ko‘p narsadan dalolat beradi. Ularda psixologik barqarorlik yetishmadi” - dedi o‘tmishda “Real”da o‘ynagan Sneyder RTL 7 telekanaliga bergan intervyusida.
Madridliklar finalda “Liverpul” bilan kuch sinashadi. Uchrashuv 28 may kuni bo‘lib o‘tadi.
