"Lids" yarim himoyachisi Kalvin Filips o‘z kelajagi haqida gapirdi.
“Kelajagim haqida gapirish meni bezovta qilmaydi. Men har doim aytganman, "Lids" men uchun juda ko‘p narsani anglatadi. Men “Lids”da bo‘lishni xohlayman va bor e’tiborimni ushbu klubni Premyer-ligada saqlab qolishga qaratganman”, – dedi Filips Sky Sports News bilan suhbatda.
Avvalroq, angliyalik futbolchiga "Manchester Yunayted" va "Arsenal" klublari qiziqayotgani haqida xabarlar tarqalgan edi.
19/20 mavsumda Filips Chempionshipda "Lids" bilan chempionlikni qo‘lga kiritdi. Uning klub bilan amaldagi shartnomasi 2024 yilning yoziga qadar mo‘ljallangan.
Joriy mavsumda 26 yoshli himoyachi “oqlar” safida barcha musobaqalarda 19 ta o‘yinda maydonga tushib, 1 ta gol urdi va bitta golli uzatmani amalga oshirdi. Uning narxi 50 million yevro atrofida baholanmoqda.
