"Лидс" ярим ҳимоячиси Калвин Филипс ўз келажаги ҳақида гапирди.
“Келажагим ҳақида гапириш мени безовта қилмайди. Мен ҳар доим айтганман, "Лидс" мен учун жуда кўп нарсани англатади. Мен “Лидс”да бўлишни хоҳлайман ва бор эътиборимни ушбу клубни Премьер-лигада сақлаб қолишга қаратганман”, – деди Филипс Sky Sports News билан суҳбатда.
Аввалроқ, англиялик футболчига "Манчестер Юнайтед" ва "Арсенал" клублари қизиқаётгани ҳақида хабарлар тарқалган эди.
19/20 мавсумда Филипс Чемпионшипда "Лидс" билан чемпионликни қўлга киритди. Унинг клуб билан амалдаги шартномаси 2024 йилнинг ёзига қадар мўлжалланган.
Жорий мавсумда 26 ёшли ҳимоячи “оқлар” сафида барча мусобақаларда 19 та ўйинда майдонга тушиб, 1 та гол урди ва битта голли узатмани амалга оширди. Унинг нархи 50 миллион евро атрофида баҳоланмоқда.
