UYEFA prezidenti Aleksander Cheferin Yevropa ligasi 1/4 finalidan o‘rin olgan “Barselona” – “Ayntraxt” (2:3) javob uchrashuvi vaqtida yuzaga kelgan vaziyat haqida gapirdi.
Eslatib o‘tamiz, kataloniyalik muxlislar norozilik sifatida o‘yin tanaffus vaqtida o‘z joylarini tashlab ketishgan va ikkinchi bo‘lim boshlanganidan 10-20 daqiqa o‘tib o‘z joylariga qaytishgandi. "Barselona" - "Ayntraxt" uchrashuviga nemis klubining 30 mingga yaqin muxlislari tashrif buyurishdi.
"Balki "Barselona" Superligaga emas, balki chiptalar sotishga e’tibor qaratishi kerak. Turnirlarning ushbu bosqichida chiptalar sotuvi klublarni tashvishga solmoqda. Bu holatda nima xato qilishganini bilmayman. Agar bu yevrokuboklar finalida sodir bo‘lganida, bosim ostida qolgan bo‘lardik. Menga taniqli murabbiydan xabar keldi, ismini oshkor qilmayman, bu qanday bo‘lishi mumkinligi haqida. Men unga hamma narsani "Barselona"dan bilib olishini aytdim, - dedi Cheferin AS nashriga.
