УЕФА президенти Александер Чеферин Европа лигаси 1/4 финалидан ўрин олган “Барселона” – “Айнтрахт” (2:3) жавоб учрашуви вақтида юзага келган вазият ҳақида гапирди.
Эслатиб ўтамиз, каталониялик мухлислар норозилик сифатида ўйин танаффус вақтида ўз жойларини ташлаб кетишган ва иккинчи бўлим бошланганидан 10-20 дақиқа ўтиб ўз жойларига қайтишганди. "Барселона" - "Айнтрахт" учрашувига немис клубининг 30 мингга яқин мухлислари ташриф буюришди.
"Балки "Барселона" Суперлигага эмас, балки чипталар сотишга эътибор қаратиши керак. Турнирларнинг ушбу босқичида чипталар сотуви клубларни ташвишга солмоқда. Бу ҳолатда нима хато қилишганини билмайман. Агар бу еврокубоклар финалида содир бўлганида, босим остида қолган бўлардик. Менга таниқли мураббийдан хабар келди, исмини ошкор қилмайман, бу қандай бўлиши мумкинлиги ҳақида. Мен унга ҳамма нарсани "Барселона"дан билиб олишини айтдим, - деди Чеферин AS нашрига.
