"Fiorentina" bosh murabbiyi Vinchenso Italyano "Roma" Konferensiya ligasi finalida "Feyenoord"ni mag‘lub etishiga umid bildirdi. Mutaxassis rimliklar ustozi Joze Mourinyoga ham hurmat bajo keltirdi.
"Mourino - ajoyib mutaxassis. U o‘z karyerasida erishgan yutuqlari juda ko‘p. U muvaffaqiyatga erishish oson bo‘lmagan klublarda ham yaxshi nom qoldirishda davom etmoqda. U "Roma"ni Konferensiyalar ligasi finaliga olib chiqdi va umid qilamanki, u kubokni yutadi", - dedi Italyano A Seriyada "Roma"ga qarshi o‘yin oldidan matbuot anjumanida.
Eslatib o‘tamiz, payshanba kuni "Roma" Konferensiyalar ligasi yarim finalida "Lester"ni mag‘lub etib, Albaniya poytaxti Tiranada bo‘lib o‘tadigan finalga yo‘l oldi.
