Professional bokschimiz Shahram G‘iyosov (12-0, 9 KO) Las-Vegasdagi "T-Mobile Arena"da ringga ko‘tarildi. Ushbu jangda bokschimizga meksikalik Kristian Gomes (22-2-1, 20 KO) raqiblik qildi.
10 raundlik jang to‘liq davom etdi. Shahram to‘rtinchi, yettinchi va o‘ninchi raundlarda raqibini nokdaun holatiga tushirib qo‘ydi, jangda ham raqibiga nisbatan ancha ustunlikka ega bo‘ldi.
Yakunda hamyurtimiz ochkolar evaziga (99-88, 99-88, 98-89) g‘alaba qozondi.
Ushbu g‘alaba orqali Shahram IBF Shimoliy Amerika kamarini qo‘lga kiritdi.
