"Barselona" himoyachisi Dani Alves kelajakdagi rejalari haqida gapirdi.
Eslatib o‘tamiz, 39 yoshli braziliyalikning Kataloniya klubi bilan shartnomasi shu yilning yozida yakuniga yetadi.
Alvesning ta’kidlashicha, u kelajagi haqida unchalik tashvishlanmaydi, chunki shartnoma uzaytirilishi ko‘p jihatdan uning o‘ziga bog‘liq.
U besh yil davomida qaytishni orzu qilgan "Barselona"da qolishni xohlaydi.
«Agar «Barselona» shartnomani uzaytirishimni istasa, bundan juda xursand bo‘laman. Agar ular buni qilmasalar, men qayerda bo‘lishimdan qat’i nazar bu klubni yaxshi ko‘raman», - deya Alvesning so‘zlarini keltiradi Marca.
