"Барселона" ҳимоячиси Дани Алвес келажакдаги режалари ҳақида гапирди.
Эслатиб ўтамиз, 39 ёшли бразилияликнинг Каталония клуби билан шартномаси шу йилнинг ёзида якунига етади.
Алвеснинг таъкидлашича, у келажаги ҳақида унчалик ташвишланмайди, чунки шартнома узайтирилиши кўп жиҳатдан унинг ўзига боғлиқ.
У беш йил давомида қайтишни орзу қилган "Барселона"да қолишни хоҳлайди.
«Агар «Барселона» шартномани узайтиришимни истаса, бундан жуда хурсанд бўламан. Агар улар буни қилмасалар, мен қаерда бўлишимдан қатъи назар бу клубни яхши кўраман», - дея Алвеснинг сўзларини келтиради Marca.
