«Bavariya» «Leypsig» yarim himoyachisi Konrad Laymer transferi uchun 20 million yevro to‘lashga tayyor.

Insayder Fabrisio Romanoning so‘zlariga ko‘ra, Yulian Nagelsmann sobiq futbolchisi Myunxenda yana birga ishlamoqchi.

Manbaga ko‘ra, transferni amalga oshirish qiyin bo‘ladi, chunki "Leypsig" sotilgan taqdirda futbolchini "Bavariya"ni yana kuchaytirishdan ko‘ra, chet el klubiga qo‘yib yuborishga qaror qiladi. Ammo bu fakt avstriyalikni sotib olishga bel bog‘lagan myunxenliklarni to‘xtata olmaydi.

Laymer xizmatlariga Premyer-liganing nomi oshkor etilmagan klubi ham qiziqish bildirmoqda. Yarim himoyachining “Leypsig” bilan shartnomasi keyingi mavsum oxirida yakuniga etadi.