"Manchester Yunayted" hujumchisi Krishtianu Ronaldu qaysi shart evaziga jamoada qolishga tayyorligi ma’lum bo‘ldi.

The Sun xabariga ko‘ra, 37 yoshli futbolchi jamoadoshlariga klubda qolish niyati borligini aytgan, faqat yangi bosh murabbiy Erik ten Xag uni o‘z safida ko‘rishni istasagina.

Manbaga ko‘ra, Ronaldu "Manchester Yunayted"ni qiyin vaziyatda tark etishni istamayapti va klubga Chempionlar ligasiga qaytishda yordam berishga umid qilmoqda.

Portugaliyalik futbolchi joriy mavsumda inglizlar safida barcha turnirlarda 39 ta o‘yin o‘tkazib, 24 ta gol urdi va 3 ta golli uzatmani amalga oshirdi.