"Манчестер Юнайтед" ҳужумчиси Криштиану Роналду қайси шарт эвазига жамоада қолишга тайёрлиги маълум бўлди.
The Sun хабарига кўра, 37 ёшли футболчи жамоадошларига клубда қолиш нияти борлигини айтган, фақат янги бош мураббий Эрик тен Хаг уни ўз сафида кўришни истасагина.
Манбага кўра, Роналду "Манчестер Юнайтед"ни қийин вазиятда тарк этишни истамаяпти ва клубга Чемпионлар лигасига қайтишда ёрдам беришга умид қилмоқда.
Португалиялик футболчи жорий мавсумда инглизлар сафида барча турнирларда 39 та ўйин ўтказиб, 24 та гол урди ва 3 та голли узатмани амалга оширди.
