"Yuventus"ning amerikalik yarim himoyachisi Ueston Makkenni tez orada jarohatidan forig‘ bo‘ladi va joriy mavsum yakunida turinliklarga yordam bera oladi.
Tuttosport xabariga ko‘ra, 23 yoshli futbolchi yaqin vaqt ichida umumiy guruhdagi mashg‘ulotlarga qaytishi kerak. Makkenni "keksa sinyora"ning "Lasio" bilan Italiya chempionatidagi navbatdagi o‘yingacha to‘liq tiklanishga ulgurishi kerak. Eslatib o‘tamiz, uchrashuv 16 may kuni bo‘lib o‘tadi.
Joriy mavsumda Ueston Makkenni Italiya chempionatida 20 ta o‘yin o‘tkazib, 3 ta gol urgan.
