"Real Madrid" "Monako" yarim himoyachisi Aureliyen Tchuamenini kelasi yozda sotib olmoqchi. Bu haqda Marca nashri xabar berdi.

Manbaga ko‘ra, "qirollik klubi" rahbari bu yozda futbolchi uchun katta summa to‘lashga tayyor emas, chunki u "Chelsi" himoyachisi Antonio Ryudiger va "PSJ" hujumchisi Kilian Mbappeni o‘z jamoasiga olib kelmoqchi. Bu borada futbolchiga faol qiziqish bildirayotgan “Liverpul” Tchuameni uchun kurashda “Real”dan ustun kelishi mumkin.

22 yoshli fransuz joriy mavsumda “Monako” safida barcha turnirlarda 48 ta o‘yinda maydonga tushib, 5 ta gol urdi va 2 ta golli uzatmani amalga oshirdi. Uning klub bilan shartnomasi 2024 yilning yoziga qadar mo‘ljallangan.