"Реал Мадрид" "Монако" ярим ҳимоячиси Аурелиен Тчуаменини келаси ёзда сотиб олмоқчи. Бу ҳақда Marca нашри хабар берди.
Манбага кўра, "қироллик клуби" раҳбари бу ёзда футболчи учун катта сумма тўлашга тайёр эмас, чунки у "Челси" ҳимоячиси Антонио Рюдигер ва "ПСЖ" ҳужумчиси Килиан Мбаппени ўз жамоасига олиб келмоқчи. Бу борада футболчига фаол қизиқиш билдираётган “Ливерпуль” Тчуамени учун курашда “Реал”дан устун келиши мумкин.
22 ёшли француз жорий мавсумда “Монако” сафида барча турнирларда 48 та ўйинда майдонга тушиб, 5 та гол урди ва 2 та голли узатмани амалга оширди. Унинг клуб билан шартномаси 2024 йилнинг ёзига қадар мўлжалланган.
