"Yuventus"ning argentinalik hujumchisi Paulo Dibalani transfer qilish "Inter"ning yozgi mavsumdagi asosiy maqsadi hisoblanadi.
Tuttosport xabariga ko‘ra, "neradzurrilar" kelishuvni yakunlash ustida faol ishlamoqda. Milan klubi bosh direktori Juzeppe Marotta transfer amalga oshishiga ishonch bildirmoqda.
Eslatib o‘tamiz, Dibalani “Inter” tekinga olishi mumkin, chunki uning “Yuventus” bilan shartnomasi 2021/2022 yilgi mavsum oxirida yakuniga yetadi.
28 yoshli hujumchi joriy mavsum A Seriyada 27 ta o‘yinda maydonga tushib, 10 ta gol urdi va 5 ta golli uzatmani amalga oshirdi. U "Yuventus"da 2015 yildan buyon to‘p tepadi.
