"Ювентус"нинг аргентиналик ҳужумчиси Пауло Дибалани трансфер қилиш "Интер"нинг ёзги мавсумдаги асосий мақсади ҳисобланади.

Tuttosport хабарига кўра, "нерадзуррилар" келишувни якунлаш устида фаол ишламоқда. Милан клуби бош директори Жузеппе Маротта трансфер амалга ошишига ишонч билдирмоқда.

Эслатиб ўтамиз, Дибалани “Интер” текинга олиши мумкин, чунки унинг “Ювентус” билан шартномаси 2021/2022 йилги мавсум охирида якунига етади.

28 ёшли ҳужумчи жорий мавсум А Серияда 27 та ўйинда майдонга тушиб, 10 та гол урди ва 5 та голли узатмани амалга оширди. У "Ювентус"да 2015 йилдан буён тўп тепади.