"Milan" va "Inter"ning sobiq hujumchisi Kristian Vyeri A Seriya chempionligi uchun kurash favoriti nomini aytdi. Italiyalik mutaxassis "rossonerilar"ning chempion bo‘lish imkoniyati ko‘proq ekanini aytdi, ammo "neradzurrilar"ni esdan chiqarib bo‘lmasligini ta’kidladi.
"Milan" favorit, ammo "Inter" hamon poygada. Har holda ular qolgan uchrashuvlarda bor kuchlarini berishlari kerak. “Bolonya” bilan o‘yinda bo‘lgan xatolarga yo‘l qo‘yib bo‘lmaydi. Lekin mavsum oxirida bosimga dosh berish qiyin bo‘ladi", - deya Vyeri.
Eslatib o‘tamiz, liga chempionligini qo‘lga kiritish uchun "Milan" A Seriyaning qolgan ikki turida to‘rt ochko to‘plashi kerak.
