"Милан" ва "Интер"нинг собиқ ҳужумчиси Кристиан Вьери А Серия чемпионлиги учун кураш фаворити номини айтди. Италиялик мутахассис "россонерилар"нинг чемпион бўлиш имконияти кўпроқ эканини айтди, аммо "нерадзуррилар"ни эсдан чиқариб бўлмаслигини таъкидлади.

"Милан" фаворит, аммо "Интер" ҳамон пойгада. Ҳар ҳолда улар қолган учрашувларда бор кучларини беришлари керак. “Болонья” билан ўйинда бўлган хатоларга йўл қўйиб бўлмайди. Лекин мавсум охирида босимга дош бериш қийин бўлади", - дея Вьери.

Эслатиб ўтамиз, лига чемпионлигини қўлга киритиш учун "Милан" А Сериянинг қолган икки турида тўрт очко тўплаши керак.