«Surxon» klubi himoyachisi Baxtiyor Qosimov klub matbuot xizmatiga qisqacha intervyu berdi.

— «Qo‘qon-1912» ustidan qozonilgan Superligadagi ilk g‘alaba haqidagi taassurotlaringiz bilan o‘rtoqlashing.
— Uzoq kutilgan g‘alabaga erishdik. «Surxon» jamoasi va muxlislarni g‘alaba bilan tabriklayman, «Qo‘qon-1912» jamoasiga qarshi jiddiy tayyorgarlik ko‘rdik va maydonda buning uddasidan chiqdik.

— Ushbu ajoyib kayfiyat bilan «Paxtakor»ga qarshi maydonga tushamiz. Bunday kuchli raqibni qanday yengishimiz mumkin?
— Biz har bir jamoaga qarshi g‘alaba uchun maydonga chiqamiz. «Paxtakor»ga qarshi ham shunday davom etamiz. Bu jiddiy raqib ekanini barcha biladi, jamoaviy o‘yin evaziga «Paxtakor»dan uch ochko olishimiz mumkin. Buning uchun maydonning har bir qarichi uchun kurashamiz va bor kuchimizni ishga solamiz.

— «Surxon» muxlislari talqiniga ko‘ra aprel oyining eng yaxshi futbolchisi bo‘ldingiz. Bunday mukofotni olish siz uchun qancha ahamiyatga ega?
— Har bir uchrashuvda maksimal darajada harakat qilaman. Meni qo‘llagan barcha muxlislarga o‘z minnatdorchiligimni bildiraman. Bu meni yanada kuchli qiladi. Shu orqali rahbariyatni, murrabiylar shtabini hamda muxlislarni ishonchini oqlashga harakat qilaman.