“Barselona” hujumchisi Pyer-Emerik Obameyang Ispaniya chempionatining 36-turida “Selta”ga qarshi o‘yindagi g‘alaba (2:1), shuningdek, Ronald Arauxoning jarohati va shundan so‘ng shifoxonaga yotqizilgani haqida fikr bildirdi.

“O‘ylaymanki, biz bugun hamma narsani to‘g‘ri qildik. Birinchi bo‘lim biroz qiyin bo‘ldi, ikkinchi bo‘limda biz yaxshiroq edik. Birinchi bo‘limda ko‘p to‘p yo‘qotdik va bu borada yaxshilanishimiz kerak. Oson gollarni o‘tkazib yubormaslik uchun ishlashda davom etamiz. Biz uchta gol urdik va bu yaxshi.

Arauxoning holati biroz qo‘rquvga sabab bo‘ldi. U kasalxonaga yotqizildi va klub bu vaqtinchalik ekanligini aytdi. Umid qilamanki, Ronald yaxshi", - deya Obameyang so‘zlarini keltiradi Marca.

Eslatib o‘tamiz, uchrashuvning ikkinchi bo‘limida Arauxo Kataloniya jamoasidagi sherigi Gavi bilan to‘qnashib ketgandi. Futbolchi hushini yo‘qotib, tez yordam mashinasida maydonni tark etgan.