“Барселона” ҳужумчиси Пьер-Эмерик Обамеянг Испания чемпионатининг 36-турида “Сельта”га қарши ўйиндаги ғалаба (2:1), шунингдек, Роналд Араухонинг жароҳати ва шундан сўнг шифохонага ётқизилгани ҳақида фикр билдирди.
“Ўйлайманки, биз бугун ҳамма нарсани тўғри қилдик. Биринчи бўлим бироз қийин бўлди, иккинчи бўлимда биз яхшироқ эдик. Биринчи бўлимда кўп тўп йўқотдик ва бу борада яхшиланишимиз керак. Осон голларни ўтказиб юбормаслик учун ишлашда давом этамиз. Биз учта гол урдик ва бу яхши.
Араухонинг ҳолати бироз қўрқувга сабаб бўлди. У касалхонага ётқизилди ва клуб бу вақтинчалик эканлигини айтди. Умид қиламанки, Роналд яхши", - дея Обамеянг сўзларини келтиради Marca.
Эслатиб ўтамиз, учрашувнинг иккинчи бўлимида Араухо Каталония жамоасидаги шериги Гави билан тўқнашиб кетганди. Футболчи ҳушини йўқотиб, тез ёрдам машинасида майдонни тарк этган.
