"Liverpul"ning sobiq himoyachisi Jeymi Karrager senegallik hujumchi Sadio Maneni jamoadan ketishiga yo‘l qo‘ymasligini aytdi.

Karragerning aytishicha, Mane uning "Liverpul"dagi eng sevimli futbolchisi. Sobiq futbolchi senegallik hujumchi doimiy ravishda o‘z o‘yinini takomillashtirib borishini va jamoa rivojiga beqiyos hissa qo‘shishini ta’kidladi. Mutaxassis Sadio har qanday holatda ham boshqa jamoaga qo‘yib yuborilmasligini hazil aralash aytib o‘tdi.

Eslatib o‘tamiz, joriy mavsum Sadio Mane Angliya chempionatida 33 ta o‘yinda maydonga tushib, 15 ta gol urdi va 2 ta golli uzatmani amalga oshirdi.