"Ливерпул"нинг собиқ ҳимоячиси Жейми Каррагер сенегаллик ҳужумчи Садио Манени жамоадан кетишига йўл қўймаслигини айтди.
Каррагернинг айтишича, Мане унинг "Ливерпул"даги энг севимли футболчиси. Собиқ футболчи сенегаллик ҳужумчи доимий равишда ўз ўйинини такомиллаштириб боришини ва жамоа ривожига беқиёс ҳисса қўшишини таъкидлади. Мутахассис Садио ҳар қандай ҳолатда ҳам бошқа жамоага қўйиб юборилмаслигини ҳазил аралаш айтиб ўтди.
Эслатиб ўтамиз, жорий мавсум Садио Мане Англия чемпионатида 33 та ўйинда майдонга тушиб, 15 та гол урди ва 2 та голли узатмани амалга оширди.