"Bavariya"ning sport direktori Hasan Salihamidjich Amsterdamning "Ayaks" klubi himoyachisi Nusser Mazrauining yozda nemis jamoasi safiga tekinga o‘tishini tasdiqladi.
“Mazraui bizga qo‘shilishga qaror qildi. Kelishuv yakuniy bosqichda, tez orada hammasi tayyor bo‘ladi. Hamma bundan mamnun, u Yevropaning top-klubiga o‘tadi", - deya Salihamidjichning so‘zlarini keltiradi jurnalist Fabrisio Romano.
Manbaning qo‘shimcha qilishicha, futbolchi allaqachon tibbiy ko‘rikdan o‘tgan, shundan so‘ng u "Bavariya" bilan shartnoma imzolagan. Yaqin kunlarda transfer rasman tasdiqlanishi kutilmoqda.