Ispaniya La ligasining 36-turidan o‘rin olgan o‘yinda "Atletiko Madrid" "Elche"ni mag‘lub etdi. "Atletiko" bosh murabbiyi Diyego Simeone natijadan mamnun. "Atletiko" Chempionlar ligasidagi o‘rnini qo‘lga kiritdi va Simeone o‘zining mavsumdagi maqsadiga erishganiga ishonmoqda.
"Qoniqish hosil qildim, qiyin sharoitlarda maqsadimizga erishdik, futbolchilar barcha jabhalarda kurashdilar. Biz asosiy maqsadga erishdik, bu mashaqqatli mehnat samarasidir. Klub barqarorligi uchun har yili Chempionlar ligasida o‘ynash juda muhim, klub rahbariyati buni doim ta’kidlaydi. Biz yangi mavsumga tayyorgarlik ko‘ramiz", - dedi Simeone.
