Испания Ла лигасининг 36-туридан ўрин олган ўйинда "Атлетико Мадрид" "Элче"ни мағлуб этди. "Атлетико" бош мураббийи Диего Симеоне натижадан мамнун. "Атлетико" Чемпионлар лигасидаги ўрнини қўлга киритди ва Симеоне ўзининг мавсумдаги мақсадига эришганига ишонмоқда.
"Қониқиш ҳосил қилдим, қийин шароитларда мақсадимизга эришдик, футболчилар барча жабҳаларда курашдилар. Биз асосий мақсадга эришдик, бу машаққатли меҳнат самарасидир. Клуб барқарорлиги учун ҳар йили Чемпионлар лигасида ўйнаш жуда муҳим, клуб раҳбарияти буни доим таъкидлайди. Биз янги мавсумга тайёргарлик кўрамиз", - деди Симеоне.
