"Manchester Siti" himoyachisi Aleksandr Zinchenkoning "shaharliklar" safidagi kelajagi so‘roq ostida. ESPN jurnalisti Rob Dousonning yozishicha, ukrainalik futbolchi mavsumlar oralig‘ida yozda "Etihad" stadionini tark etishi mumkin.
Hozircha nomlari oshkor etilmagan Zinchenkoning xizmatlariga bir qancha klublar qiziqish bildirmoqda. Eslatib o‘tamiz, avvalroq Italiyaning “Napoli” klubi himoyachini taklif qilmoqchi edi, biroq ukrainalik futbolchi Xosep Gvardiola jamoasida qolib, tarkibda joy uchun kurashni davom ettirishga qaror qilgandi.
Joriy mavsumda Zinchenko “Manchester Siti”ning asosiy tarkibidagi o‘rnini yo‘qotdi. Agar o‘tgan mavsum oxirida himoyachi muntazam ravishda APL va Chempionlar ligasining hal qiluvchi o‘yinlari uchun tarkibga kirgan bo‘lsa, hozir uning pozisiyasida Joau Kanselo o‘ynamoqda.
