"Манчестер Сити" ҳимоячиси Александр Зинченконинг "шаҳарликлар" сафидаги келажаги сўроқ остида. ESPN журналисти Роб Доусоннинг ёзишича, украиналик футболчи мавсумлар оралиғида ёзда "Этиҳад" стадионини тарк этиши мумкин.
Ҳозирча номлари ошкор этилмаган Зинченконинг хизматларига бир қанча клублар қизиқиш билдирмоқда. Эслатиб ўтамиз, аввалроқ Италиянинг “Наполи” клуби ҳимоячини таклиф қилмоқчи эди, бироқ украиналик футболчи Хосеп Гвардиола жамоасида қолиб, таркибда жой учун курашни давом эттиришга қарор қилганди.
Жорий мавсумда Зинченко “Манчестер Сити”нинг асосий таркибидаги ўрнини йўқотди. Агар ўтган мавсум охирида ҳимоячи мунтазам равишда АПЛ ва Чемпионлар лигасининг ҳал қилувчи ўйинлари учун таркибга кирган бўлса, ҳозир унинг позициясида Жоау Кансело ўйнамоқда.
