«Nyukasl» «Benfika» hujumchisi Darvin Nunyes uchun 70 million yevro berishga tayyor.
Nunyes «Benfika»ga 2020 yilning yozida «Almeriya»dan kelib qo‘shilgandi. Urugvaylik futbolchi Portugaliyada birinchi mavsumni yaxshi o‘tkazdi, lekin u bu mavsumda haqiqatan ham o‘zini ancha ijobiy tomonlama ko‘rsata oldi.
22 yoshli futbolchining o‘yinlari e’tibordan chetda qolmadi - Yevropaning bir nechta top-klublari futbolchiga birdaniga qiziqish bildirishdi.
Portugaliya matbuotiga ko‘ra, «Nyukasl» hozirdanoq 70 million yevrolik taklif tayyorlamoqda.
