"Manchester Siti" bosh murabbiyi Xosep Gvardiola jamoaning tig‘iz taqvimi haqida fikr bildirdi.
“Juda ko‘p o‘yinlar. “Vulverxempton” ustidan qozonilgan g‘alabadan zavq olishga, o‘yinni yaxshiroq tahlil qilishga, yaxshi mashg‘ulot o‘tkazishga vaqtimiz yo‘q. Mavsum yakunida esa futbolchilarni terma jamoalar uchun yana to‘rtta o‘yin kutmoqda. Keyin ta’til va keyin yana hamma narsa boshlanadi", - dedi Gvardiola Manchester Evening News bilan suhbatda.
«Manchester Siti» 36-turdan so‘ng 89 ochko jamg‘arib, Angliya Premyer-ligasi turnir jadvalida peshqadamlik qilmoqda. “Liverpul” ham shuncha o‘yin o‘tkazib, 86 ochko jamg‘argan. Keyingi turda “shaharliklar” safarda “Vest Xem”ga qarshi bahs olib boradi. Uchrashuv 15 may kuni Londonda bo‘lib o‘tadi.
Manchester jamoasi 2021/22 yilgi mavsumda Chempionlar ligasining yarim finaliga chiqdi, ammo umumiy hisobda “Real”ga yutqazdi.
