"Манчестер Сити" бош мураббийи Хосеп Гвардиола жамоанинг тиғиз тақвими ҳақида фикр билдирди.
“Жуда кўп ўйинлар. “Вулверхэмптон” устидан қозонилган ғалабадан завқ олишга, ўйинни яхшироқ таҳлил қилишга, яхши машғулот ўтказишга вақтимиз йўқ. Мавсум якунида эса футболчиларни терма жамоалар учун яна тўртта ўйин кутмоқда. Кейин таътил ва кейин яна ҳамма нарса бошланади", - деди Гвардиола Manchester Evening News билан суҳбатда.
«Манчестер Сити» 36-турдан сўнг 89 очко жамғариб, Англия Премьер-лигаси турнир жадвалида пешқадамлик қилмоқда. “Ливерпуль” ҳам шунча ўйин ўтказиб, 86 очко жамғарган. Кейинги турда “шаҳарликлар” сафарда “Вест Хэм”га қарши баҳс олиб боради. Учрашув 15 май куни Лондонда бўлиб ўтади.
Манчестер жамоаси 2021/22 йилги мавсумда Чемпионлар лигасининг ярим финалига чиқди, аммо умумий ҳисобда “Реал”га ютқазди.
