«Manchester Yunayted»ning ikki futbolchisi mashg‘ulot paytida o‘zaro urishib ketgani uchun bosh murabbiy Ralf Rangnik mashg‘ulotni bekor qilishga majbur bo‘ldi.
Janjallashgan futbolchilarning nomi ma’lum qilinmadi. Sportchilar ularning xatti-harakatlaridan shokka tushishgan va ancha vaqtgacha ularni tinchlantira olishmagan.
Eslatib o‘tamiz, «Manchester Yunayted» o‘zining mavsumdagi so‘nggi bahsini «Kristal Pelas»ga qarshi o‘tkazadi. Jamoa Yevropa ligasi yo‘llanmasi uchun «Vest Xem» bilan jiddiy kurash olib bormoqda.