Madridning “Atletiko” klubi yarim himoyachisi Rodrigo de Paul Italiya chempionatiga qaytishi mumkin. Futbolchi avvalroq A seriya vakili "Udineze" sharafini himoya qilgan.
Todofichajes nashri xabariga ko‘ra, 27 yoshli argentinalik futbolchining yozgi transfer mavsumida "Inter" klubiga o‘tishi mumkin. "Neradzurrilar" rahbariyati joriy mavsum yakunida "matraschilar"ga taklif bilan chiqishga tayyor.
De Paul o‘tgan yilning iyul oyida "Atletiko" safiga qo‘shilgan edi. U klub bilan besh yillik shartnoma imzolagan.
Ma’lumot o‘rnida, joriy mavsumda Rodrigo La Ligada 34 ta o‘yinda maydonga tushib, 2 ta gol va 1 ta golli uzatmaga mualliflik qilgan.
