Мадриднинг “Атлетико” клуби ярим ҳимоячиси Родриго де Пауль Италия чемпионатига қайтиши мумкин. Футболчи аввалроқ А серия вакили "Удинезе" шарафини ҳимоя қилган.
Todofichajes нашри хабарига кўра, 27 ёшли аргентиналик футболчининг ёзги трансфер мавсумида "Интер" клубига ўтиши мумкин. "Нерадзуррилар" раҳбарияти жорий мавсум якунида "матрасчилар"га таклиф билан чиқишга тайёр.
Де Пауль ўтган йилнинг июль ойида "Атлетико" сафига қўшилган эди. У клуб билан беш йиллик шартнома имзолаган.
Маълумот ўрнида, жорий мавсумда Родриго Ла Лигада 34 та ўйинда майдонга тушиб, 2 та гол ва 1 та голли узатмага муаллифлик қилган.
