Jerar Pikening fikricha, Joze Mourinyo "Real" va "Barselona" futbolchilarini bir-biridan nafratlanishiga sabab bo‘lgan.

“U "Real" ustozi bo‘lganidan keyin maydonda bizdan kuchsizroq ekanini bilardi. Albatta, bizda eng yaxshi jamoa bor edi va hattoki, futbolchilar o‘rtasidagi munosabatlar ham a’lo edi.

Terma jamoaga borganimni eslayman va "Real"ga qarshi o‘yinlardan so‘ng juda qiyin bo‘lardi, chunki Mourinyo "Real" futbolchilariga: "Bular sizlarni yomon ko‘rishadi" derdi va "Real" futbolchilari bunga ishonardi.

Terma jamoaning kiyinish xonasida Kasilyasga yaqinlashdim: “Salom, Iker” - dedim, lekin u men bilan gaplashmadi.

O‘shanda men buni murabbiyni ishi ekanligini bilmasdim. Joze haqiqatdan ham futbolchilarni qanday qilib nafratlantirishni bilardi" - dedi "Barselona" himoyachisi The Overlap bilan suhbatda.