Dortmundning “Borussiya” klubi yarim himoyachisi Aksel Vitsel nemis klubi muxlislari bilan xayrlashdi.
Futbolchi so‘nggi to‘rt yil davomida uni va jamoani qo‘llab-quvvatlagan muxlislarga minnatdorchilik bildirdi.
«Ketganimdan afsusdaman, lekin faxr bilan aytishim mumkinki, men so‘nggi to‘rt yil davomida bu klub sharafini himoya qildim. Men ko‘plab ajoyib do‘stlar orttirdim, top-futbolchilar bilan o‘ynadim, ajoyib xodimlar bilan ishladim. Rahmat!”, - dedi Vitsel ijtimoiy tarmoqlarida.
Oldinroq belgiyalik futbolchi joriy mavsum yakunida Dortmundning «Borussiya» klubini erkin agent sifatida tark etishi xabar qilingandi.
Vitsel 2018 yildan buyon “asalarilar” safida to‘p surmoqda. 33 yoshli yarim himoyachi joriy mavsumda “Borussiya” safida 35 ta o‘yinda maydonga tushib, 2 ta gol urishga erishdi.
