Дортмунднинг “Боруссия” клуби ярим ҳимоячиси Аксел Витсель немис клуби мухлислари билан хайрлашди.

Футболчи сўнгги тўрт йил давомида уни ва жамоани қўллаб-қувватлаган мухлисларга миннатдорчилик билдирди.

«Кетганимдан афсусдаман, лекин фахр билан айтишим мумкинки, мен сўнгги тўрт йил давомида бу клуб шарафини ҳимоя қилдим. Мен кўплаб ажойиб дўстлар орттирдим, топ-футболчилар билан ўйнадим, ажойиб ходимлар билан ишладим. Раҳмат!”, - деди Витсель ижтимоий тармоқларида.

Олдинроқ бельгиялик футболчи жорий мавсум якунида Дортмунднинг «Боруссия» клубини эркин агент сифатида тарк этиши хабар қилинганди.

Витсель 2018 йилдан буён “асаларилар” сафида тўп сурмоқда. 33 ёшли ярим ҳимоячи жорий мавсумда “Боруссия” сафида 35 та ўйинда майдонга тушиб, 2 та гол уришга эришди.