"Vitess" himoyachisi Danilo Duki faoliyatini Germaniyada davom ettiradi, deya xabar beradi jurnalist Fabrisio Romano.
Manbaga ko‘ra, 23 yoshli niderlandiyalik futbolchi erkin agent sifatida "Union Berlin"ga o‘tadi. Shartnoma 2025 yilning yoziga qadar tuziladi.
Joriy mavsumda Duki 42 ta o‘yin o‘tkazib, 4 ta gol urgan. Transfermarkt portali futbolchining narxini 3 million yevroga baholamoqda.