Superliganing 9-turi doirasidagi AGMK - “Bunyodkor”ga (0:0) uchrashuvidan keyin mezbonlar ustozi Mirjalol Qosimov o‘z fikrlarini bildirib o‘tdi.
- O‘yin kurashlarga boy o‘tdi. Menimcha, adolatli va jangovar durang qayd etildi. O‘z jamoam haqida gapiradigan bo‘lsam, bu o‘yindan qoniqqanim yo‘q. Ba’zida futbolda biror futbolchining o‘yini unchalik o‘xshamaydi. Ammo bugun jamoaning o‘yini o‘xshamadi. O‘tgan uchrashuvlarda futbolchilarim tezkor, ma’noli, kombinasion o‘yin ko‘rsatishgandi. To‘g‘risini aytaman, bugungi o‘yin chiqmadi. Uchrashuvni ko‘rib chiqamiz, balki, jamoani o‘yinga yaxshi tayyorlay olmagandirman, balki, futbolchilarim o‘zini juda ham xotirjam xis qilib yuborgandir.
