Суперлиганинг 9-тури доирасидаги АГМК - “Бунёдкор”га (0:0) учрашувидан кейин мезбонлар устози Миржалол Қосимов ўз фикрларини билдириб ўтди.

- Ўйин курашларга бой ўтди. Менимча, адолатли ва жанговар дуранг қайд этилди. Ўз жамоам ҳақида гапирадиган бўлсам, бу ўйиндан қониққаним йўқ. Баъзида футболда бирор футболчининг ўйини унчалик ўхшамайди. Аммо бугун жамоанинг ўйини ўхшамади. Ўтган учрашувларда футболчиларим тезкор, маъноли, комбинацион ўйин кўрсатишганди. Тўғрисини айтаман, бугунги ўйин чиқмади. Учрашувни кўриб чиқамиз, балки, жамоани ўйинга яхши тайёрлай олмагандирман, балки, футболчиларим ўзини жуда ҳам хотиржам хис қилиб юборгандир.