“Ayntraxt” yarim himoyachisi Yens Petter Xauge Shotlandiyaning “Reynjers” jamoasiga qarshi bo‘lib o‘tadigan Yevropa ligasi finalidan oldingi fikrlari bilan o‘rtoqlashdi.
"Jamoamiz katta salohiyatga ega. Mavsumning ikkinchi yarmida Bundesligada muammolarga duch keldik, ammo Yevropada biz yaxshi jamoamiz borligini ko‘rsatdik. Eng muhim uchrashuvlarda yaxshi o‘ynay oladigan juda kuchli jamoa. "Barselona" ustidan qozonilgan g‘alaba har bir futbolchiga va butun jamoaga katta ishonch bag‘ishlaydi", - dedi Xauge UEFA rasmiy saytiga.
