“Reynjers” ​​yarim himoyachisi Rayan Jek “Ayntraxt” jamoasiga qarshi Yevropa ligasi finali oldidan jamoa muxlislarni xursand qilishi kerakligini aytdi.

"Finalgacha bo‘lgan yo‘l aql bovar qilmaydigan darajada bo‘ldi. Men hech qachon Yevropa ligasi finalida o‘ynash imkoniyatini qo‘lga kiritaman deb o‘ylamagandim. Bu yerda ekanligimdan xursandman va faxrlanaman. Glazgoga kubokni olib kelish kerak.

Ko‘p sonli muxlislar bizni qo‘llab-quvvatlash uchun jamoani har tomonlama kuzatib borishadi. Biz ular bilan faxrlanamiz. Biz juda omadlimiz - yuz minglab odamlar bunday uchrashuvda o‘ynashni orzu qiladi. Hozir biz yaxshi futbol ko‘rsatishimiz va muxlislarni xursand qilishimiz kerak», - dedi futbolchi UEFA rasmiy saytiga.